नयाँ दिल्ली, 21 अक्टोबर 2024/ भारतमा नेपाली प्रशिक्षकहरुले खेल क्षेत्रमा अतुलनिय योगदान दिइरहेका छन । विशेषगरि तेकवान्दो, कराँते र उसु खेलको क्षेत्रमा नेपाली प्रशिक्षकले सिकाएका कयौं खेलाडीहरुले भारतको नाम अगाडी लगिरहेका छन । यसै क्रममा नेपाली खेलाडीहरुद्वारा संचालित दयाल स्पोर्ट्सको आयोजनामा चौथो स्पोर्ट्स कप, खुला राष्ट्रिय तेकवान्दो च्याम्पियनशीप 2024 सम्पन्न भएको छ ।
दिल्लीको दिल्ली केन्टस्थित अलकांर बङ्किट हलमा आयोजित तेकवान्दो च्याम्पियनशीपमा दिल्ली , युपि , हरियाणा , मध्यप्रदेस , गुजरात , पंन्जाब र उत्तराखण्डका 300 खेलाडीको सहभागीता रहेको थियो ।
सुदुर पश्चिम् प्रदेशका सासंद शिव ओलिको प्रमुखको आतिथ्य र नेपाली राजदुतावास सांस्कृतिक काउन्सलर गोकुल बस्नेतको विशिष्ट आतिथ्यमा सम्पन्न प्रतियोगितामा हाम्रो स्वाभिमान ट्र्स्ट, अखिल भारत नेपाली एकता मन्च, सहिद लछी राजपुत दयाल स्मृति प्रतिस्ठान , प्रवासी नेपाली संघ, प्रवासी नेपाली हेल्प मिसन, दलित एकता संजाल, आफन्त इन्डिया फाउन्डेसन, दलित मुक्ति अभियान, अखिल भारत नेपाली एकता समाज, मेची महाकाली जागरण अभियानका प्रतिनिधि लगायत अन्य कयौं समाजसेवी र विशिष्ट ब्यक्तित्वहरुको आतिथ्य रहेको थियो ।
समारोहका क्रममा सम्बोधन गर्दै प्रमुख अतिथि, विशिष्ट अतिथी लगायत अतिथिहरुले नेपाली खेलाडीहरुले खेलको क्षेत्रमा अभूतपूर्व प्रदर्शन गर्दै आएको र भारत आएर यसरी खेलाडी उत्पादन गर्ने काममा पनि अतुलनीय योगदान दिइरहेकोमा निकै खुशी लागेको बताए । अतिथिहरुले खेलाडीहरुको मनोबल बढाउनका लागि बालबालिकाहरुलाई खेलप्रति जागरुक गराई राख्न अहम भुमिका खेल्ने प्रशिक्षकहरुलाइ धन्यबाद दिदै बालबिलिकाहरुलाई सुभकामना ब्यक्त गरेका थिए ।
प्रतियोगितामा दिल्लीले प्रथम स्थान हासिल गरेको छ भने हरियाणा टिम A.T.A. दितिय र हरियाणा टिम EMINENT ले तृतिय स्थान हासिल गरेको छ।
सबै बिजेता खेलाडी र टिमहरुलाई अतिथिहरुद्वारा मेडल र ट्रफी प्रदान गरिएको थियो। अन्त्यमा प्रतियोगिता सम्पन्न गर्न खट्नु हुने रेफ्री, अफिसल, भोलेन्टियर, अभिभावक, प्रशिक्षक र आफ्नो अमुल्य समय दिएर उपस्थिति अतिथिहरुलाई मायाको चिनोबाट समान गरि प्रत्यक्ष अप्रत्यक्ष रुपमा सहयोग गर्ने सम्पूर्ण महानुभावहरुप्रति आयोजकले आभार ब्यक्त गर्दै कार्यक्रम सम्पन्न भएको थियो।