GLOBAL GORKHA TIMES सबै खबर एकै ठाँउमा
Related Articles
कञ्चनपुरः अब नेपाल र भारतको सीमा पार गर्न लागि नेपाली परिचय पत्र अनिर्वाय भएको छ। पछिल्लो समय नेपाली नागरिकका लागि भारत प्रवेश र स्वदेश फर्कँदा परिचय पत्रको आवश्यकता पर्ने भएको हो। केहि दिन यता नेपाल-भारत सीमा क्षेत्रमा भारतीय सीमा सुरक्षा बल (एसएसबी) ले कडाइ गरेको छ। नेपाल र भारतको सीमा पार गर्नका लागि नेपाली नागरिक भएको परिचय खुल्ने कागजपत्र अनिर्वाय गरिएको हो।
कञ्चनपुरका प्रमुख जिल्ला अधिकारी गोपाल कुमार अधिकारीले तेस्रो मुलुकका नागरिक प्रवेश गर्न सक्ने भएकाले सीमामा कडाई गरिएको बताए। उनले भने, “भारत जानलाई नेपाली हो भन्ने आधार खोज्दैछन्। तर, हामीसँग अधिकारीक कुनै जानकारी छैन।”
नेपालबाट चिनियाँ नागरिकसमेत भारत प्रवेश गर्दै आएकाले कडाई गरिएको बुझिएको छ।
